Merca no comercio local e participa no sorteo dunha tarxeta regalo de 50€
Do 13 ao 18 de xullo, o comercio local de Marín volve ser protagonista coa campaña “Festas con Estrela”, unha acción pensada para animar as compras nos establecementos de proximidade e premiar a confianza das persoas que apostan polo comercio da vila.
Durante estes días, todas as persoas que realicen as súas compras nos comercios participantes poderán rexistrar os seus tickets a través da App Comercio de Marín ou na web www.comerciodemarin.com/sorteos e participar automaticamente no sorteo dunha tarxeta regalo de 50€.
Participar é moi sinxelo:
- Merca nos establecementos asociados.
- Rexistra o teu ticket na App Comercio de Marín ou na web.
- Participa automaticamente no sorteo dunha tarxeta regalo de 50€.
Con esta campaña queremos seguir impulsando o consumo no comercio local durante uns días moi especiais para Marín, poñendo en valor a atención próxima, a calidade, a confianza e o trato humano que fan único ao noso comercio.
Porque nas festas, tamén hai un plan estrela: mercar en Marín, apoiar o comercio local e participar en “Festas con Estrela”.
A campaña está organizada polo Centro Comercial Local Estrela de Marín a través de Comercio de Marín, e conta co cofinanciamento da Xunta de Galicia e Comercio Galego.